ABOUT US.......

 Assalamu Alaikum Wa Rehmatullahi Barakatuhu........

Hamare Peshe Nazar Nabi-e-Kareem Sarvare-do-Aalam (Sallallahu Ta’ala Alaihi Wa Aalihi Wa Sallam) Ka Yeh Farman Bhi Hai, Jo Aapne Hajjatul Wida Ke Mouke Par Irshad Farmaya..

******************************************************************************

Aye Logo! Shayad Ayinda Saal Ya Fir Kabi Tumse Yaha Mulaqat Na Ho Sake. Jo Tumse Garib Hai Unhe Wohi Khilao Jo Tum Khate Ho, Wohi Pehnao Jo Tum Pehnte Ho, Ke Sab Ko Allah Hi Ki Taraf Loutna Hai, Aur Wo Tumse Tumhare Amaal Ka Hisab Lega.
Jo Moujud Hai Unhe Batado Jo Moujud Nahi Hai, Ke Tum Sab Ek Aadam Ki Aoulad Ho Aur Tum Me Sabse Behtar Wo Hai Jise Allah Ka Khouf Hai.
Mai Jo Kuch Kahu Use Gour Se Suno “Ayyam-e-Jahiliyat Ke Makhtuleen Ka Kasaas Aur Diyat Dono Khatm Ki Jati Hai”
Yaad Rakho Har Muslman Dusre Muslman Ka Bhai Hai, Aur Tamaam Muslman Aapas Me Bhai Bhai Hai.
Muslmano Me Rang, Nasl Aur Kabile Ka Koi Imteyaj Nahi, Koi Muslman Kisi Dusre Ke Maal Par Najayaz Tassaruf Nahi Karega, Warna Yeh Ek Dusre Par Zulm Ho Jayega.
Logo Gour Se Suno! Jo Cheez Mai Tum’me Chode Ja Raha Hu, Wo Cheez Nihayat Gaazi Aur Roshan Hai. Aur Wo Hai Allah Ki Paak Kitab Aur Uske Rasool Ki Sunnat. Agar Use Mazbuti Se Pakde Raho Toh Kabhi Thokar Na Khaoge.

******************************************************************************

Fir Aapne Takmil-e-Deen Ke Hawale Se Iss Ayat Ki Tilawat Farmayi.
♥ Al-Quraan : “Aaj Ke Din Hamne Tumhare Liye Din Ko Mukkamal Kar Liya. Aur Apni Neymat Hamne Tumahre Liye Tamam Kar Di. Aur Tumhare Liye Deen-e-Islam Ko Pasand Kar Liya”
-: (Sureh-Maida : A-3)